“Popull ti e di se kush duhet të shkojë në burg! Zbarko në sheshe derisa prangat të kërcasin në duart e këtyre zullumqarëve”

Nga Denis Dyrnjaja

Populli nuk ka nevojë t’i thotë Ambasadori Amerikan Donald Lu se çfarë është për ta Ilir Meta. Populli nuk ka nevojë ta njohë Edi Ramën nga rrëfimi eros/pasionant i Ornela Vorpsit dhe çfarë përqafon ai. Populli nuk ka nevojë të njohë bëmat e Sali Berishës dhe manipulimet e Lulzim Bashës.

Nëse e pyet popullin, sigurisht jo popullin me ngjyrë partiake, por popullin normal e di se të gjithë këta dhe jo vetëm këta, por edhe hordhitë politike poshtë tyre nuk justifikojnë pasuritë e vëna me paga shteti, qofshin ato edhe dy fish më të mëdha se pagat zyrtare.

Populli e di se kush duhet të shkojë në burg, populli e di se dhe se ata që duhet të shkojnë në burg nuk do të shkojnë, sepse nuk ka kush t’i çojë para drejtësisë. Por pa dashjen e vet duke pranuar në heshtje këtë realitet, populli ka vetburgosur veten dhe të ardhmen e tij.

Vetëm duke marrë pankartat në duar me emrat e fotot e politikanëve që populli mendon se janë të korruptuar dhe të inkriminuar e duke dalë në sheshe për të kërkuar hetimin dhe gjykimin e tyre, shpresa se ky vend mund të bëhet, mund të rilindë.

Vetëm duke dalë në sheshe dhe mos ikur prej aty derisa prangat të kërcasin në duart e këtyre “zullumqarëve” të zhytur në korrupsion dhe krim, në vend të orave lukzoze dhe byzylykëve të arit, shqiptarët dhe fëmijët e tyre që jetojnë me djersën e punës dhe dijeve të tyre, mund besojnë se nuk do ju duhet të zgjedhin mes dy të këqijave, më të voglën. Zgjohu popull, të largosh maskarenjtë që flasin në emrin tënd për të të shtypur, poshtëruar e vjedhur njësoj, pavarësisht ngjyrës së kollares politike që mbajnë!

Lexo edhe: