E bujshme! “Sarpi” e pëson keq, ja çfarë i ka ndodhur aktorit të njohur

Ai është bërë mjaft i dashur për publikun shqiptar në serialin turk “I Infiltruari”. Bëhet fjalë për aktorin e njohur Çağatay Ulusoy, i cili në serial kishte rolin e Sarpit.

Së fundmi, ai ndodhet në telashe, pasi mund të dënohet me 1 vit dhe 9 muaj burg, nëse gjykata e cilëson si fajtor, nën akuzat e përdorimit dhe shitjes së lëndëve narkotike.

Në lidhje me problemet që ka me drejtësinë gjatë intervistës së tij të fundit Ulusoy tha: “Unë nuk kam përse t’i jap sqarime askujt tjetër përveçse familjes dhe miqve të mi të afërt. Nëse nuk do të isha i famshëm, askush nuk do e dinte. Gjithsesi, gjëja më e rëndësishme është familja ime. Mami u mërzit shumë, ndërsa babai është më i fortë. Por kjo është jeta, nuk e ndryshojmë dot! Nëse duhet të përballem me burgun, do të më duhet ta bëj.”

Ndërkohë, aktori po shijon suksesin me serialin më të fundit në bashkëpunim me “Netflix” që pritet të shfaqet gjatë muajit dhjetor.